لە ڕووداوێكی هاتوچۆدا لە گەرمیان دوو گەنج گیانیان لەدەستدا

ئۆتۆمبێلەكان دوای ڕووداوەكە

پێكدادانی نێوان بارهەڵگرێك و ئۆتۆمبێلێك لە گەرمیان گیانلەدەستدانی دوو گەنجی لێكەوتەوە.

مقدەم عەلی جەمال قدوری، بەرپرسی ڕاگەیاندنی پۆلیسی گەرمیان ڕایگەیاند، بەیانی ئەمڕۆ لەسەر ڕێگای ناحیەی قۆرەتوو – صاڵح ئاغا نزیک گوندی حەوش کوڕو ڕووداوێکی پێکدادان لەنێوان دوو ئۆتۆمبێل لەجۆرەکانی گەڵابە بارهەڵگر و تۆیۆتا لاندكرۆزەر ڕوویدا.

وتیشی، “لە ئەنجامی دوو سەرنشینی لاندكرۆزەرەکە کە لە نەتەوەی عەرەبن و دانیشتووی مەندەلین بەناوەکانی (دورید سابت فەرمان) لەدایکبووی 1986 و (لوئەی سابت فەرمان) لەدایکبووی 1984 گیانیان لەدەستدا”.

تەرمی قوربانییەكان بەمەبەستی توێكاری گەیەندراوەتە پزیشکیی دادوەریی قەزای کەلار و شۆفێری بارهەڵگرەکەش بە بڕیاری دادوەر و بەپێی ماددەی 24ی هاتوچۆ بەندکراوە، وەك ئەوەی وتەبێژەكەی پۆلیس ئاماژەی پێداوە.

بابەتی پێشتر

ڕێگای بازرگانیی دهۆك-هەولێر لەلایەن خۆپیشاندەرانەوە داخرا

بابەتی دواتر

لەناوخۆی پاریس چی دەگوزەرێت؟ ماڵێکی بێسەروبەرە و ڕاهێنەرێکی بێدەسەڵات

بابەتی پەیوەندیدار
Total
0
Share