لە دوێنێوە توركیا تۆپبارانی ناوچەیەكی ڕۆژئاوای كوردستان دەكات، بەو هۆیەوە 13 هاوڵاتیی مەدەنی بوونەتە قوربانی.
فەرماندەی هێزی ئاسایشی ناوخۆی ڕۆژئاوای كوردستان لە ڕاگەیەندراوێكدا ئاشكرایكردووە، لە ئێوارەی دوێنێوە سوپاى توركیا 30 تۆپى ئاراستەی ناوچەی زرگان كردووه له باكوورى حه‌سه‌كه، به‌هۆیەوە دوو ژن و منداڵێك شەهید بوون.
هەر بەهۆی تۆپبارانەكانی توركیاوە 10 هاوڵاتیی دیكە بریندار بوون، زیانی زۆریش بەر ماڵ و موڵکی هاوڵاتییان كەوتووە.
پێشتر میدیاكانی ڕۆژئاوای كوردستان بڵاویانكردەوە، له‌شه‌وى ڕابردووه‌وه سوپاى توركیا تۆپبارانى بۆسه‌ر چه‌ند گوند و ناوچه‌یه‌كى سه‌ر به حه‌سه‌كه ده‌ستپێكردووه.
هەروەها ئاشكرایانكردبوو، لە هێرشێكی دیكه‌ى توركیا بۆسەر گوندی ڕەبیعەتی سەر بە ناحیه‌ى زرگان، دەنگۆی برینداربوونی سێ ئەندامی هێزەکانی حکومەتی سوریا هه‌یه.
