بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ئاشکرایکرد بەهۆی تێکەڵبوونی تۆزێکی سوک بە ڕادەیەکی زۆری شێ مەودای بینین لە بەشێک لە شار و شارۆچکەکانی هەرێم کەمبووەتەوە.
بەپێی بەڕێوەبەرایەتیی کەشناسی، مەودای بینین لە شاری هەولێر بۆ سێ کیلۆمەتر، لە سلێمانی حەوت کیلۆمەتر، دهۆک سێ کیلۆمەتر و کەرکوک یەک کیلۆمەتر کەمبووەتەوە.
کەشناسی ڕاشیگەیاندووە، لەهەریەکە لە شەمامک بۆ سێ کیلۆمەتر، پیرمام 10 کیلۆمەتر، چەمچەماڵ دوو کیلۆمەتر، زاخۆ هەشت کیلۆمەتر، خانەقین شەش کیلۆمەتر و خورماتوو دوو کیلۆمەتر کەمبووەتەوە.
پێشتر بەڕێوەبەرایەتیی کەشناسیی هەرێمی کوردستان ڕایگەیاند کە باران بارین بۆ ئەمڕۆ و سبەی بەردەوام دەبێت و لەناوچە شاخاوییەکانیش بەفر دەبارێت.
