وەزیری ناوخۆی حکومەتی هەرێمی کوردستان سەبارەت بە لافاوەکەی هەولێر ڕایگەیاند، لەسەر ڕاسپاردەی سەرۆکی حکومەت لیژنەیەک بۆ خەمڵاندنی زیانەکان پێکهێنراوە و ژمارەی گیانلەدەستدانیش بەهۆیەوە گەیشتووەتە 12 کەس.
لە لێدوانێکیدا بۆ ڕۆژنامەنوسان ڕێبەر ئەحمەد ڕایگەیاند، تائێستا ئامارەکانی گیانلەدەستدان بە لافاوەکەی هەولێر تەواو دروست نیین بەڵام ژمارەی گیانلەدەستدان تا ئەمکاتە 12 کەسن کە یەکێکیان بە هەورە بروسکە گیانیلەدەستداوە و لەناویشیاندا کەسانی بیانی هەیە.
وتیشی، تیمەکانی فریاگوزاریی پارێزگای هەولێر بەردەوامن لە گەڕان و بەهاناوەچوونی زیانلێکەوتووانی لافاوەکە.
