ده‌سته‌ى گه‌شتوگوزارى هه‌رێم ڕایده‌گه‌یه‌نێت، کاری کۆمپانیاکانی گەشتوگوزار ڕێكده‌خه‌نه‌وه و كار بۆ کەمکردنەوەی ڕۆتین لە بەدەستهێنانی مۆڵەت ده‌كه‌ن.
ده‌سته‌كه له ڕاگه‌یه‌ندراوێكدا ئاماژه‌ى به‌وه‌كردووه، سەرۆکی دەستەی گشتیی گەشتوگوزار و بەڕێوەبەری گشتیی کۆمپانیاکان كۆبوونه‌وه و باسیان لە میکانیزمی چارەسەری گرفتەکان کرد، كه كۆمپانیاكانى گه‌شتوگوزار هه‌یانه.
لە کۆبوونەوەکدا باسیان لە ڕێکخستنەوەی کاری کۆمپانیاکان و دەرکردنی مۆڵەتی کۆمپانیاکان و ئاسان بەڕێوەچوونی مامەڵەکانی هاوڵاتییان کرد.
هه‌ر به‌پێی ڕاگه‌یه‌ندراوه‌كه، باس لە پێکهێنانی لیژنەیەکی هاوبەش کرا لە نێوان دەستەی گشتیی گەشتوگوزار و بەڕێوەبەرایەتیی گشتیی تۆمارکردنی کۆمپانیاکان و یەکێتیی فڕۆکەوانی و کۆمەڵەی میوانخانە و چێشتخانەکان.
