دەزگای هەواڵگریی ئەمریکا ئەمڕۆ چوارشەممە دەوروبەری باڵیۆزخانەی ڕوسیای لە واشنتن گرت و هۆکارەکەشی بۆ بوونی گومانلێکراوێک لە نزیک باڵیۆزخانەکە دەگەڕێتەوە.
ئەفسەرێکی هەواڵگریی ئەمریکا ئاشکراکردووە، کە دەزگای هەواڵگریی وڵاتەکەی بەشێوەیەکی کردەیی دەستیانکردووە بە گرتنی دەوروبەری باڵیۆزخانەی ڕوسیا و باڵیۆزخانەکەش داخراوە.
ئاماژەی بەوەشکردووە، هۆکارەکەی بۆئەوە دەگەڕێتەوە، پۆلیسی واشنتن گومانلێکراوێکیان لەناوچەی باڵیۆزخانەی ڕوسیا لەکاتی هەوڵی دەستگیرکردنیدا لەدەستداوە و بەدوایدا دەگەڕێن.
پێشتر ئیدارەی پۆلیسی واشنتن دی سی ڕایگەیاند، بەهۆی چالاکیی پۆلیسییەوە ڕێگاکانی دەوروبەری باڵیۆزخانەی ڕوسیا دادەخەن بەڕووی هەموو جۆرە هاتوچۆیەکدا.
