ئەمڕۆ ئیكرام عەلی، ئەندامی سەركردایەتیی یەكێتی دوای تووشبوونی بە پەتای کۆرۆنا گیانیلەدەستدا.
پاش نیوەڕۆی ئەمڕۆ ئیكرام عەلی ئەمین، ئەندامی سەركردایەتی و لێپرسراوی بۆردی تێكۆشەرانی سەر بە مەكتەبی شەهیدان و تێكۆشەرانی یەكێتیی نیشتمانیی كوردستان گیانیلەدەستدا.
لای خۆیەوە بافڵ جەلال تاڵەبانی پەیامێكی بڵاوكردەوە و تیایدا وێڕای گەیاندنی پرسە و سەرەخۆشی و ھاوخەمی قوڵی بە خانەوادە و کەسوکار و ھەڤاڵانی یەکێتی دەڵێت، “مامۆستا ئیکرام، پێشمەرگەی دێرین و سوارچاکێکی گەرمیانی و یەکێتییەکەی مام بوو، کە بەشێکی زۆری تەمەنی بەخشییە خەبات و شۆڕشی نوێ و بۆ ساتێکیش دانەبڕا لە کۆڕی خەبات و ھەمیشە لە بەرەی گەلەکەی بوو. سەرباری ئەوەی بنەماڵەکەشیان تێکۆشەر و قوربانی بەخش بوون، ھەمیشە لە ھەر ئەرک و بەرپرسیارێتییەکدا بووبێت بەوپەڕی دڵسۆزی و ئەمانەتەوە بەجێیدەگەیاند و لەجێی متمانەی ھەمووشمان بوو”.
بافڵ جەلال تاڵەبانی دووپاتیشیدەكاتەوە، لەدەستدانی ھەڤاڵێکی وەھامان لە ناخەوە نیگەرانیکردین و خۆمان بە بەشداری ئەم خەم و ماتەمە دەزانین.
