ئەندامێكی ئەنجومەنی پارێزگا: پشكی سلێمانی لە غاز كەمە و سامانە سروشتییەكان ‏بەرپرسە

ئەو پشكی غازەی لەلایەن وەزارەتی سامانە سروشتییەكانەوە بۆ سلێمانی تەرخانكراوە، ‏كەمە و لەگەڵ زیادبوونی خواست، گرفتی نەبوونی دروستدەكات، وەك ئەوەی ئەندامێكی ‏ئەنجومەنی پارێزگا باسیدەكات و دەڵێت، لەچاو ساڵی ڕابردوو، بڕەكە كەمتریش ‏كراوەتەوە.‏

كەریم عەلی، سەرۆكی لیژنەی پیشەسازی و وزە لە ئەنجومەنی پارێزگای سلێمانی بە ‏تۆڕی میدیایی ئێستای ڕاگەیاند، كۆمپانیای ساوس كوردستان گرێبەستی لەگەڵ كۆمپانیای ‏دانەغاز كردووە ڕۆژانە هەزار تۆن غازی پێبدات، لەو بڕە، كۆمپانیاكە 300 تۆنی بە ‏بازرگانی دەفرۆشێت و 700 تۆنیشی دابەشی سەرجەم پارێزگا و ئیدارە سەربەخۆكان ‏دەكرێت.‏

وتیشی، دابەشكردنی سەر ئاستی پارێزگاكان لەلایەن وەزارەتی سامانە سروشتییەكانەوە ‏بڕیاری لەسەر دراوە، بەجۆرێك ڕۆژانە 240 تۆن بۆ سلێمانی، 250 تۆن بۆ هەولێر و ‏نزیكەی 170 تۆنیش بۆ دهۆك دەنێردرێت.‏

بەپێی وتەی ئەندامەكەی ئەنجومەن، ئەو بڕەی ڕۆژانە دێت بۆ سلێمانی بەراورد بە ‏ڕێژەی دانیشتووان كەمە، لەم كاتەشدا كە كێشەی كەمیی كارەبا و دابەشكردنی نەوتی سپی ‏هەیە، وایكردووە هاوڵاتییان غازی زیاتر بەكاربهێننن و وتی، “هەر كاتێك خواست لەسەر ‏بەكارهێنانی غاز زیاتربێت، ئەم گرفتانە دروستدەبێت”.‏

مەترسیی ئەوە هەیە گرفتەكە لە مانگی یەكدا زیاتر بێت، كەریم عەلی وتی، “ئەگەر بڕەكە ‏ڕۆژانەش بەتەواوی بگات، ئەوا هێشتا پشكی ئەمساڵی سلێمانی لەچاو ساڵی پار كەمترە”، ‏ئەمەش لەكاتێكدایە پشكی شارەكە، پارێزگای هەڵەبجە و ئیدارەكانی گەرمیان و ‏ڕاپەڕینیشی لەسەرە.‏

ئەوەی تاڕاددەیەك گرفتەكەی بە بچووكی هێشتووەتەوە، وەك ئەوەی سەرۆكی لیژنەی ‏وزەی ئەنجومەنی پارێزگا ئاماژەی پێدا، ئەو بڕە غازەیە كە لە كەركوكەوە دێت و ڕۆژانە ‏نزیكەی 100 بۆ 150 تۆنە، كە هەموو گەرمیان و بەشێك لە كارگەكانی سلێمانیشی ‏لەسەرە، وتی، “ئەگەر حكومتی عێراق ئەو بڕە ڕابگرێت، گرفتەكە زۆر زۆر زیاتر ‏دەبێت لەوەی ئێستا”.‏

دەربارەی چارەسەریش، كەریم عەلی وتی، “وەكو ئەنجومەنی پارێزگا بەدواداچوون ‏دەكەین و بڕیارە لە ماوەی كەمی داهاتوودا نووسراوێك ئاراستەی وەزارەتی سامانە ‏سروشتییەكان بكەین بەمەبەستی زیادكردنی پشكی پارێزگاكە”.‏

پێشتر ئالان جەمال، یەكێكە لە غازفرۆشەكانی سلێمانی، هۆكاری گرفتەكەی ئەمجارەی بۆ ‏ئەوە ‏گەڕاندەوە، كە لە كێڵگەی كۆرمۆرەوە بەشەغازی سلێمانی كەمكراوەتەوە، پێشتر ‏ڕۆژانە ‏غاز دەنێردرا، بەڵام ئێستا تەنها دوو ڕۆژ لە هەفتەیەكدا بەشەغازی سلێمانی ‏دەنێردرێت.‏

غازفرۆشەكەی سلێمانی وتی، لەئێستادا لە هەفتەیەكدا هەر غازفرۆشێك تەنها 80 ‏غازی ‏پێدەدرێت، تەنها دوو ڕۆژ لە هەفتەكەدا غازیان پێدەدرێت و ڕۆژی 40 غازیان ‏دەدرێتێ، ‏بۆیە گرفتەكە دروستبووە.‏

ئالان ڕەخنەی ئەوەی هەبوو، كە لە ڕێژەی ناردنی غاز بۆ سلێمانی حسابی ‏هاوین ‏دەكرێت، لەكاتێكدا لە وەرزی سەرما و زستاندا غازی زیاتر لەلایەن ‏هاوڵاتییانەوە ‏بەكاردەهێنرێت.‏

سەرەڕای دروستبوونی گرفتی غازی ماڵان، بەڵام تا ئێستا نرخەكەی بەرزنەبووەتەوە ‏و ‏هەر بە 8 هەزار و 500 دینارە.‏

بابەتی پێشتر

هه‌واڵگریی عێراق ڕێگری له‌ دزەپێكردنی بڕێكی زۆر مادده‌ی هۆشبه‌ر كرد

بابەتی دواتر

بەڵێنێکی بارزانی شكێنرا.. ئەگەری دەستپێكردنەوەی شەڕی نێوان سەكرایەتی و ‏بەرەكەییەكان هەیە ‏

بابەتی پەیوەندیدار
زیاتر ببینە

مێردمنداڵێك خنكا

قائیمقامی قەزای دەربەندیخان ڕایدەگەیەنێت، مێردمنداڵێكی تەمەن 15 ساڵە لە چەمی دێوانەی سەر بە بەنداوی دێوانە لە قەزای دەربەندیخان…
Total
0
Share