زیندانیكراوانی گرتووخانەیەكی سوید بەهۆی خواردنی پەتاتە و ساوەرەوە مانیانگرتووە

ماوەی زیاتر لە هەفتەیەکە 90 زیندانیكراو لە گرتووخانەی “تێداهۆڵم” لە سوید مانیانگرتووە چونکە لە گرتووخانەكەدا تەنها پەتاتە و هێلکە و ساوەریان پێدەدەن، ئەوانیش بەدڵیان نەبووە و سکاڵایان گەیاندووەتە حکومەت.

کەناڵی SVTی سویدی بەدواداچوونێکی بۆ ئەو پرسە کردووە و ئاشکرایکردووە، “زیندانیكراوان وتوویانە خواردنەکەیان بەدڵ نییە چونکە ئەوە تەنها منداڵێکی هەشت ساڵان تێردەکات و خواردنەکە تەندروست نییە”.

لە وەڵامی ئەو گلەییدا بەرپرسانی گرتووخانەی “تێداهۆڵم” ڕایانگەیاندووە، “ئەو خواردەمەنییەی لە زیندانەکەدا دابەشدەکرێت تەنها بۆ زیندانییان نییە، بەڵکو کارمەندان و بەرپرسانیش هەمان خواردەمەنی دەخۆن”.

زیندانیكراوان گلەیی ئەوەشیان هەبووە، کە میوەی پێویست و خواردنی بەستوویان بۆ دابیننەکراون و ئەوەش ژیانیانی سەختکردووە.

گرتووخانەی “تێداهۆڵم” زیاتر لە 150 زیندانیكراوی خاوەن سزای قورسی تێدا دەمێننەوە و یەکێکە لەو گرتووخانانەی لەلایەن حکومەتەوە سەرنجیان لەسەرە.

بابەتی پێشتر

هەپەگە كوشتنی هەشت ئەفسەر و سەربازی توركیای ڕاگەیاند

بابەتی دواتر

لە پڕۆژەکانی نیشتەجێبووندا ڕێژەیەک بۆ خاوەنیپێداویستیی تایبەت دابیندەکرێت

بابەتی پەیوەندیدار
زیاتر ببینە

بە تۆمەتی هەڵگرتنی چەکی بێمۆڵەت دوو کەس لە چەمچەماڵ دەستگیرکران

مه‌فره‌زه‌كانی‌ نوسینگه‌ی‌ نه‌هێشتنی‌ تاوانی‌ چه‌مچه‌ماڵ دوو تۆمه‌تباریان ده‌ستگیركرد كه‌ چوار چه‌كی‌ بێ مۆڵه‌تیان پێبووه‌. بەڕێوەبەرایەتیی پۆلیسی سلێمانی بڵاویکردەوە،…
Total
0
Share