سوننەكان هەنگاو بۆ هاوپەیمانییەكی نوێ دەنێن

ژمارەیەك لە سەركردەی سیاسی و بەرپرسە سوننییەكان لە هەوڵدان بۆ پێكهێنانی ‏هاوپەیمانییەكی پەرلەمانیی نوێ، بڕیارە خەمیس خەنجەر سەرۆكایەتیی بكات.‏

نووسینگەی خالد عوبەیدی، سەرۆكی دەستەی سیاسیی هاوپەیمانیی عەزم ڕاگەیەندراوێكی ‏بڵاوكردەوە و دەڵێت، ژمارەیەك لە سەركردە و بەرپرسانی سیاسی و پەرلەمانی لە بەغداد ‏و پارێزگاكانی خۆرئاوا كۆبوونەوەیەكیان لە نووسینگەی عوبەیدی ئەنجامداوە بۆ ‏گرتنەبەری هەنگاوی كۆتایی ڕاگەیاندنی هاوپەیمانییەكی پەرلەمانیی نوێ، كە نزیكەی 35 ‏پەرلەمانتار لەخۆدەگرێت و خەمیس خەنجەر سەرۆكایەتیی دەكات.‏

بەپێی ڕاگەیەندراوەكە، ئامادەبووانی كۆبوونەوەكە جەختیانكردووەتەوە لەسەر ئەوەی ‏‏”هاوپەیمانییە نوێیەكە هەوڵ بۆ دیاریكردنی ئاراستە نیشتمانییەكان دەكات، كە خزمەت بە ‏كاری سیاسی و پەرلەمانی و یەكخستنی هەڵوێستەكان بكات بۆ گەڕاندنەوەی ماف و ‏بەشداردەبێت لە گەڕاندنەوەی متمانەی عێراقییەكان بە پرۆسەی سیاسی”.‏

ئەو هاوپەیمانێتییە نوێیەی سوونەكان، ئەگەر پێكبهێنرێت، لە پەرلەمانی عێراق دەبێتە ‏گەورەترین قەوارەی سوننی، بەوپێیەی قەوارەكەی محەمەد حەلبوسی خاوەنی 33 ‏كورسییە.‏

بابەتی پێشتر

ئۆڵیمپیادی زستانە گرژیی زیاتری خستە نێوان چین و وڵاتانی خۆرئاواوە

بابەتی دواتر

ڕۆژی جیهانیی بەرەنگاربوونەوەی گەندەڵی<br>تا ئێستا هیچ بەرپرسێكی هەرێم لەسەر گەندەڵی سزانەدراوە

بابەتی پەیوەندیدار
زیاتر ببینە

ئەمڕۆ ئەنجامی بەرایی هەڵبژاردنی ئەنجومەنی پارێزگاکانی عێراق رادەگەیەندرێت

کۆمسیۆنی هەڵبژاردنەکانی عێراق رایگەیاند، “ئەمڕۆ ئەنجامی بەرایی هەڵبژاردنی ئەنجومەنی پارێزگاکانی عێراق رادەگەیەندرێت و هەڵبژاردنێکی سەرکەوت بەڕێوەچوو”. لە کۆنگرەیەکی…
Total
0
Share