پۆلیسی كەنەدا ئاشكرایكردووە، “بە چەقۆ دوو كەس كوژراون و پێنجی دیكەش بریندار بوون”، كەسێكیش وەك گومانلێكراو دەستگیر كراوە.
لە تویتەر پۆلیسی كەنەدا ڕایگەیاندووە، “بەیانی ئەمڕۆ یەكشەممە 1ی تشرینی دووەم، لە ئەنجامی هێرشێكی چەقۆ دوو كەس كوژراون و پێنجی دیكەش برینداربوون، لە شوێنی ڕوداوەكەش كەسێك دەستگیركراوە كە گومان دەكرێت ئەنجامدەری تاوانەكە بێت”.
هێرشەكە لە شاری كیبیك ڕویداوە، پۆلیس داوای لە هاوڵاتییانی شارەكە كردووە لە ماڵەكانیان نەچنە دەرەوە چونكە لێكۆڵێنەوە لە ڕوداوەكە بەردەوامە.
هێرشەكە لە نزیك ئەنجومەنی یاسادانانی هەرێمی لە جەژنی هاڵویندا ڕویداوە، لەبارەی بارودۆخی تەندروستیی بریندارەكانیش پۆلیس هیچی ڕانەگەیاندووە.
