سێ ڕووبەڕووبوونەوەی هەفتەی 24ی خوولی یانە پیشەگەرەکانی ئەمریکا (NBA) ئەنجامدرا، تیمەکانی هۆرنێتس و ڕۆکێتس براوەبوون.
لە یارییەکی بەهێزدا تیمی ئەتلانتا هوکس لە فیلیپس ئارینا میوانداریی چارلۆت هۆرنێتسی کرد، تیمی میوان بە ئەنجامی (127-130) بردنەوەی تۆمارکرد، ئەنجامەکەش یەکێکبوو لە بەرزترین ئەنجامەکانی ئەو یارییانەی لە گەڕی 24 ئەنجامدراون.
لە یارییەکی دیکەدا تیمی تۆرنتۆ ڕاپتۆرز بە ئەنجامی (102-90) بردنەوەی بەرامبەر واشنتن ویزاردس تۆمارکرد، هەروەها تیمی هیوستن ڕۆکێتس بە ئەنجامی (118-108) لە نیوئۆرلیانز پیلیکانزی بردەوە.
بەپێی ئەنجامەکانی ئەم وەرزە، تیمی گۆڵدن ستەیت واریەرز لوتکەی کۆمەڵەی خۆرئاوای یانە پیشەگەرەکانی ئەمریکای گرتووە، لە کۆمەڵەی خۆرهەڵاتیش تیمی چیکاگۆ بوڵز تاوەکو ئێستا لە پێگەی یەکەمدایە.
