ئەمریكا “نیگەرانیی قووڵ” لەبارەی بەردەوامیی هێرشەكانی داعش نیشاندەدات.
نێد پرایس، وتەبێژی وەزارەتی دەرەوەی ئەمریكا لە ڕاگەیەندراوێكدا سەرخۆشیی واشنتنی ئاراستەی كەسوكاری قوربانی و بریندارانی هێرشەكەی داعش بۆسەر ناوچەی قەرەچووخ نیشاندا كە بووەهۆی شەهیدبوونی سێ هاوڵاتیی مەدەنی و 10 پێشمەرگە.
هێرشەكە شەوی پێنجشەممە كرایەسەر گوندی خدر جیجە لە بناری چیای قەرەچووخ.
واشنتن جارێكی دیكە پابەندی بە پشتیوانیكردنی هێزە ئەمنییەكانی عێراق و لەنێویاندا پێشمەرگە دووپاتكردەوە، هاوكات لە درێژەدان بە ڕووبەڕووبوونەوەی داعش.
هێرشەكە دووەمی داعشە لەماوەی هەفتەیەكدا بۆسەر هێزەكانی پێشمەرگە لەو ناوچانەی لەژێر دەستی پێشمەرگەدان، شەوی شەممەی ڕابردووش تەقینەوە و پەلامارێكی داعش لە سنووری كوڵەجۆ شەهیدبوونی پێنچ پلەدار و پێشمەرگە و برینداربوونی چواری دیكەی لێكەوتەوە.
