ئهندامێكى لیژنهى پهروهرده و خوێندنى باڵا له پهرلهمانى كوردستان ڕایدهگهیهنێت، ئهو پارهیهى حكومهت كه وهكو مینحه بۆ خوێندكاران دابینیكردووه بهشی دهرماڵهیان دهكات.
ئاشنا عهبدوڵڵا، ئهندامى لیژنهى پهروهرده و خوێندنى باڵا له پهرلهمانى كوردستان به تۆڕی میدیایی ئێستاى ڕاگهیاند، “ئهو پارهیهى حكومهت ئهمڕۆ بۆ خوێندكارانى دابینكرد، بهشی دهرماڵهى خوێندكارانى زانكۆ و پهیمانگاكان دهكات”.
پێشتر زیاد جهبار، سهرۆكى فراكسیۆنى یهكێتى له پهرلهمانى كوردستان له كۆبوونهوهكهى ئهمڕۆی پهرلهمان ئاشكرایكردبوو، كه حكومهت مانگانه پێویستى به حهوت ملیار و 343 ملیۆن و 500 ههزار دینارە بۆ دهرماڵهى ههموو خوێندكاران.
بهپێی زانیارییهكانى تۆڕی میدیایی ئێستا، ئهنجومهنى وهزیران له كۆبوونهوهكهى ئهمڕۆیدا بڕیاری داوه كه ئهو بڕه پارهیه خهرجبكرێت.
