چاڤی هێرناندێز، ڕاهێنەری بەرشلۆنە هەڕەشەی بردنەوە لە بایرن میونشن دەكات بۆ ئەوەی سەركەوتن بۆ قۆناغی شازدەی چامپیۆنز لیگ مسۆگەربكەن.
پاش یەكسانبوونی بەرشلۆنە و بەنفیكا، چاڤی بەشداری كۆنگرەیەكی رۆژنامەوانی كرد، ستایشی ئاستی یاریزانەكانی كرد و پێیوابوو شایستەی ئەوە بوون گۆڵێك تۆماربكەن.
وتیشی: “پێویستە ئەرێنییانە بیر بكەینەوە و هێشتا یارییەكمان ماوە ئەنجامی بدەین، پێویستە بەرامبەر بایرن میونشن بردنەوە بەدەستبهێنین”.
چاڤی دوودڵی خۆی پیشاندا بەرامبەر هێڵی هێرشبردنی یانەكە و ئاماژەی بەوەدا، بە دوو یاریی یەك گۆڵیان تۆماركردووە، ئەویش بە لێدانی سزا بووە.
لەگەڵ ئەوەدا ڕاهێنەری بەرشلۆنە هەڕەشەی بردنەوە لە بایرن میونشن دەكات و دەڵێت، ”دەچینە ئالیانز ئارینا بۆ ئەوەی بە سێ خاڵی یارییەكەوە بگەڕێینەوە”.
بەرشلۆنە بە 7 خاڵ دووەمە و یاریی داهاتووی بەرامبەر بایرن میونشنە، بەنفیكاش بە 5 خاڵ لەپلەی سێیەمدایە، بەڵام یاریی كۆتایی كۆمەڵەكەی لە یاریگای خۆیدا بەرامبەر دینامۆكیێڤ-ی ئۆكرانی دەكات.
