پۆلیسی سلێمانى: به‌شێك له‌ خۆپیشانده‌ران خوێندكارنه‌بوون و به‌ چه‌قۆ هێرشیانكردووه‌ته‌ سه‌ر هێزه‌كان

پۆلیسی سلێمانى له‌سه‌ر گرژییه‌كانى ئه‌مڕۆی خوێندكارانى زانكۆی سلێمانى ڕاگه‌یه‌ندراوێكى بڵاوكرده‌وه‌ و ده‌ڵێت، “به‌شێك له‌ خۆپیشانده‌ران خوێندكارنه‌بوون و به‌ چه‌قۆ و بۆكس خه‌نجه‌ر هێرشیانكردووه‌ته‌ سه‌رهێزه‌كان”.

له‌ ڕاگه‌یه‌ندراوێكدا ‌به‌ڕێوه‌به‌رایه‌تیی‌ پۆلیسی‌ پارێزگای‌ سلێمانی ئاماژه‌ى به‌وه‌كردووه‌، “ماوه‌ی‌ دوو ڕۆژه‌ خوێندكارانی‌ زانكۆ گردبوونه‌وه‌ و خۆپیشاندانی‌ ناڕه‌زایی ئه‌نجام ده‌ده‌ن بۆ داواكردنی‌ ده‌رماڵه‌، وه‌ك ئه‌ركی‌ سه‌رشانی‌ به‌ڕێوه‌به‌رایه‌تیی‌ پۆلیس بۆ پاراستنی‌ گیانی‌ خوێندكاره‌كانمان و هێمنی ‌‌و ئاسایشی‌ خۆپیشاندانه‌كه‌ به‌رده‌وام بووین له ‌پارێزگاری‌ لێ كردنیان”.

باسی له‌وه‌شكردوه‌و، “به‌ڵام به‌داخه‌وه‌ ئه‌مڕۆ هه‌ندێك له‌ ئاماده‌بووانی‌ خۆپیشاندانه‌كه‌ كه‌ به‌پێی‌ زانیارییه‌كانی‌ به‌رده‌ست ئێمه‌ گه‌یشتوه ‌و به‌ڵگه‌ی‌ ته‌واومان لایه‌ كه‌ خوێندكار نین، ده‌ستیانكرد به‌ به‌رد هاویشتن به‌ ئاراسته‌ی‌ هێزی‌ چالاكی‌ مه‌ده‌نی ‌‌و هێرشكردنه‌ سه‌ریان به‌چه‌قۆ و بۆكس خه‌نجه‌ر، ده‌رئه‌نجامی‌ ئه‌م كاره‌ش‌ گرژی‌‌ و ئاڵۆزیی دروست بوو چه‌ند ئه‌فسه‌رو كارمه‌ندێك و چه‌ند خوێندكارێك بریندار بوون به‌ به‌رد و دار”.

ڕوونیشیكردووه‌ته‌وه‌، برینداره‌كان چاره‌سه‌ری‌ پزیشكییان بۆ ئه‌نجامدراوه‌ و باری‌ ته‌ندروستیان جێگیره‌.

له‌به‌شێكى دیكه‌ى ڕاگه‌یه‌ندراوه‌كه‌ى پۆلیسی سلێمانى هاتووه‌، “داواكارین لایه‌نه‌ په‌یوه‌ندیداره‌كان به‌ده‌م داواكاریی ‌و دابینكردنی‌ ده‌رماڵه‌ی‌ خوێندكارانه‌وه‌ بچن، له‌هه‌مانكاتیشدا داوا له‌خوشك ‌و برا خوێنكاره‌كانمان ده‌كه‌ین كه‌ گردبونه‌وه‌ و كۆبونه‌وه‌كانیان به‌شێوازی‌ هێمنانه ‌و شارستانیانه‌ ئه‌نجام بده‌ن‌و نه‌هێڵن خه‌ڵكانی‌ گومانلێكراو چالاكییه‌ شارستانییه‌كه‌یان لێ تێكبده‌ن”.

بابەتی پێشتر

وه‌زاره‌تى دارایی ڕوونكردنه‌وه‌ له‌سه‌ر ده‌رماڵه‌ى خوێندكاران ده‌دات

بابەتی دواتر

نەتەوە یەکگرتووەکان هۆشداری لە داڕمانی ئابوریی ئەفغانستان دەدات

بابەتی پەیوەندیدار
زیاتر ببینە

یەكێتی لەبارەی پۆستی پارێزگاری كەركوكەوە ڕێككەوتنی لەگەڵ پارتی هەیە و داوای ‏جێبەجێكردنی دەكات

یەكێتیی نیشتمانیی كوردستان داوای زیندووكردنەوەی خاڵێكی ڕێككەوتنەكەیان لە پارتی ‏دەكات، كە تایبەتە بە دانانی كاندیدێكی یەكێتی بۆ پۆستی…
Total
0
Share