سلڤادۆر.. بەهۆی ڕۆچوونی زەوییەوە دەیان كەس بوون بە قوربانی

ئاژانسەكانی هەواڵی جیهان ئەمڕۆ هەینیی 30ی تشرینی یەكەم لە زاری پۆلیسی سلڤادۆر-ەوە بڵاویانكردەوە، “دوای بارینی بارانێكی زۆر لە باكووری سان سلڤادۆر پایتەختی سلڤادۆر، ڕوبەرێكی زۆری زەویی ڕۆژووە و داڕووخاوە، بەهۆیەوە شەش كەس مردوون و تەرمەكانیان لەژێر قوڕ و داروپەردوودا دەرهێنراون، 35 كەسیش بێسەروشوێنن.”

ئاشكراكراوە كە 50 خانوو بە تەواوەتیی لە قوڕدا نگرۆبوون و ژێركەوتوون، دەیان كەسیش ئاوارە بوون.

وەزارەتی ناوخۆی سلڤادۆر ڕایگەیاندووە، “300 كارمەندی بەرگریی شارستانی و سوپا و پۆلیس بەدوای بێسەروشوێنبوواندا دەگەڕێن، بەڵام تا ئێستا نەدۆزراونەتەوە.

هەر ئەمڕۆ بەهۆی بومەلەرزەوە، چەندین كەس لە توركیا و یۆنان مردن و سەدان كەس ئاوارە بوون.