عیماد یەشار مشكۆ، سەرۆكی قەوارەی گۆڕان و نوێنبوونەوەی توركمان رایگەیاند، “موناقەهوەچی لای من كارمەند بووە و ئەوان بە هیچ شێوەیەك نوێنەری راستەقینەی ئێمە نین”.
بەپێی زانیارییەكان، مونا قەهوەچی مانگانە دوو ملیۆن دینار دەدات بۆ ئەوەی لە پۆستەكەی لانەبرێت، وتیشی:-
ئەوان بە 60 بۆ 70 دەنگ دەبنە نوێنەری توركمانەكان.موناقەهوەچی و ئەوانەی ئێستا لە پەرلەمانی كوردستان بە هیچ شێوەیەك نوێنەری راستەقینەی توركمانەكان نین و رەتیاندەكەینەوە.ئەوانە لای خەڵكی توركمانیش هەڕاجكراون.تا ئێستا یەك كاریان بۆ توركمانەكان نەكردووە تەنها بۆ بەرژەوەندیی خۆیان كاردەكەن.سەرۆكی پێشووی قەوارەی گۆڕان و نوێبوونەوەی توركمان رایگەیاند، “سكرتێری پەرلەمان و ئەوانەشی كە ئێستا لە پەرلەمانی كوردستان دەڵێن نوێنەرایەتیی پێكهاتەی توركمانەكان دەكەن بە هیچ شێوەیەك ئێمە بە نوێنەری خۆمانیان نازانین و ئەوان تەنها بۆ بەرژەوەندیی خۆیان كاردەكەن و تەنها تەمسیل دەكەن ئەگەرنا هیچ كارێكیان بۆ توركمانەكان نەكردووە”.
