کەمێک بەر لە ئێستا لە شەقامی 30 مەتریی شاری هەولێر بەهۆی کێشەیەک لەنێوان دوو کەسدا لەسەر 25 هەزار دینار یەکێکیان کوژرا، کوژراوەکە خاوەن عەرەبانەیەک بووە و ئەو بڕە پارەیە قەرزداری بکوژەکە بووە.
بەپێی وتەی شایەتحاڵەکانی ڕووداوەکە کە قسەیان بۆ تۆڕی میدیایی ئێستا کردووە، کێشە لەنێوان دوو کەسدا دروستبووە کە یەکێکیان خاوەن عەرەبانەیە و لە شەقامی 30 مەتریی شاری هەولێر کاردەکات، کێشەکە لەسەر بڕی 25 هەزار دیناربووە کە خاوەن عەرەبانەکە قەرزداری کەسەکەی دیکە بووە.
ئەو کەسەی لە کێشەکەدا کوژراوە بەڕەگەز عەرەبە و بکوژەکەش کورد بووە.
