ئەمڕۆ كاروانی یەكەمی ئەو كۆچبەرانەی عێراق و هەرێمی كوردستان دەگەڕێنرێنەوە، كە ئارەزوومەندانە دەیانەوێت سنوورەكانی بیلاڕوسیا و پۆڵەندا جێبهێڵن، زۆربەی ئەوانەی دەگەڕێنرێنەوە كوردن.
ڕێبوار بابكەیی سەرۆكی لیژنەی پەیوەندییەكان و ڕەوەندی كوردستانی لە پەرلەمانی كوردستان، بە تۆڕی میدیایی ئێستای ڕاگەیاند، ئەمڕۆ 300 كۆچبەری عێراقی و هەرێمی كوردستان دەگەرێنرێنەوە بۆ خاكی وڵات.
بابكەیی ئاشكرایكرد، لەو 300 كۆچبەرە، زیاتر لە 180 كۆچبەریان كوردن و خەڵكی هەرێمی كوردستانن.
ئەمە یەكەم كاروانی كۆچبەرانی عێراق و هەرێمی كوردستانە لە سنوورەكانی بیلاڕوسیا و پۆڵەنداوە دەگەرێندرێنەوە هەرێمی كوردستان، پێشتر ناونووسكراون و بە ئارەزوومەندانە دەگەڕێنەوە.
دیار نییە كاروانی دیكەی كۆچبەران لە سنوورەكانی بیلاڕوسیاوە دەگەرێنرێنەوە بۆ عێراق و هەرێمی كوردستان، یان نا.
