وەفدی حكومەتی هەرێم سەردانی بەغداد دەكات و سێ دۆسییە لەگەڵ حكومەتی عێراق تاوتوێدەكات.
میدیا عێراقییەكان بڵاویانكردەوە، وەفدێكی حكومەتی هەرێم سەردانی بەغداد دەكاتەوە و سێ دۆسیە لەگەڵ حكومەتی عێراق تاوتوێدەكات.
بە گوێرەی زانیارییەكان، پرسی مووچەی مووچەخۆران و جیاكردنەوەی لە پرسەكانی دیكە و هەروەها هەمواركردنەوەی یاسای بودجەش گفتوگۆی لەبارەوە دەكرێت.
ئاماژە بۆ ئەوەش كراوە، هەرێم پێشنیاز بۆ بەغداد دەكات قەرزە چوار ترلیۆن و 700 ملیار دینارەكەی لە ئەمساڵدا لێوەرنەگیرێتەوە و داواشدەكات هەناردەی نەوتی هەرێم دەستپێبكاتەوە.
دوێنێ سێشەممە، پێشەوا هەورامانی وتەبێژی حكومەتی هەرێم رایگەیاند، رۆژی شەممەی هەفتەی داهاتوو وەفدێكی حكومەتی هەرێم دەگاتە بەغداد.
