سەرۆکایەتیی شارەوانیی سلێمانی ڕایدەگەیەنێت، ئەمڕۆ سێشەممە، بە سەرپەرشتیی تیمەکانمان لە سەرۆکایەتیی شارەوانیی سلێمانی و لەلایەن کۆمپانیای جێبەجێکار، دەستکرا بە کاری قیرتاوکردنی شەقامی نزیک پارکی ئازادی بە ئاڕاستەی هۆڵی تەوار و سوپەرمارکێتی زارا.
ڕاشیگەیاند، پابەندن بە جێبەجێکردنی بەڵێنەکانیان بۆ هاوڵاتییان، لەو پێناوەشدا، هەڵمەتەکانیان چڕکردووەتەوە بۆ خێراکردن لە نۆژەنکردنەوەی شەقامەکان و لابردنی ئاستەنگەکانی بەردەم شۆفێران.
دەشڵێت، هەڵمەتەکان بەردەوامییان دەبێت بەپێی ئەو پلان و بەرنامەیەی بۆ چاکسازییکردن لە شەقامەکاندا دانراون.
