پۆلیسی پۆڵەندا ئاشکرایکرد، تەرمی کەسێکی بەڕەگەز سورییان لە دارستانەکانی نێوان ئەو وڵاتە و بیلاڕوسیا دۆزیوەتەوە.
پۆلیسی پۆڵەندا ڕایگەیاندووە، “تا ئێستا نازانرێت هۆکاری مردنی ئەو کەسە سورییە چییە، بەڵام پێدەچێت بەسەرمای دارستانەکان کاریگەر بوبێت”.
مردنی ئەو کۆچبەرە سورییە، مردنی دووەم کۆچبەرە لەماوەی تەنها چەند ڕۆژێکدا لە سنورەکانی نێوان بیلاڕوسیا و پۆڵەندا.
ماوەی زیاتر لە هەفتەیەکە کۆچبەران لە سنوورەکانی نێوان بیلاڕوسیا و پۆڵەندا کۆبوونەتەوە و چاوەڕێی کردنەوەی سنورەکانن.
لە هەمان کاتدا وەزارەتی هاریکاریی و خزمەتگوزاریی تایبەتی پۆڵەندا دەنگۆی کردنەوەی سنوورەکان بەڕووی کۆچبەراندا ڕەتدەکاتەوە، لەکاتێکدا پێشتر وا لەناو کۆچبەراندا بڵاوبوویەوە، کە 15ی ئەم مانگە سنوورەکانیان بۆ دەکرێتەوە.
