وەزارەتی دارایی هەرێمی كورردستان ڕوونكردنەوە لەبارەی دەركردنی ڕێنماییەكی تایبەت بە خەرجكردنی جیاوازیی مووچە و دەرماڵە دەدات كە لە مووچەی فەرمانبەران پاشەكەوتكراوە.
لە ڕوونكردنەوەكەدا وەزارەتی دارایی ئاماژەی بەوەكردووە، “مەبەست لە ناوەڕۆکی ڕێنمایی ژمارە (16)ی 2021 خەرجکردنی جیاوازیی ئەو مووچە و دەرماڵە و شایستانەیه بۆ ئەو مانگانەی کە لە مووچەی فەرمانبەران پاشەکەوتکراون”.
وەزارەتی دارایی ڕوونیشیكردووەتەوە، “ئەم ڕێنماییه ئەو کەسانە دەگرێتەوە کە جیاوازیی (مووچە و دەرماڵەکان)یان لەو مانگانە بەستراوە کە مووچە تیایاندا پاشەکەوتکراوە لەلایەن حکومەتی هەرێمی کوردستانەوە، ئەوا ئەو جیاوازییانەیان بۆ خەرجدەکرێتەوە، بەپێی ڕێنمایی ژمارە (28) ی ساڵی 2020مان”.
