هەڵبژاردەی ئەڵمانیا مەشقەکانی ئەمڕۆ سێشەممەی هەڵوەشاندەوە، هۆکارەکەش بۆ یاریزانێک دەگەڕێتەوە کە تووشی ڤایرۆسی کۆرۆنا بووە.
بەپێی زانیارییەکانی ماڵپەڕی “بێلد سپۆرت”، ئەو یاریزانەی تووشی ڤایرۆسی کۆرۆنا بووە نیکلاس سولی بەرگریکاری یانەی بایرن میونشنە و هیچ نیشانەیەکیشی تیادا دەرنەکەوتووە.
یاریزانەکە ساڵی ڕابردوو تووشی ڤایرۆسەکە بووە، هەروەها دواتر هەردوو ژەمە ڤاکسینی دژە کۆرۆنای بۆکراوە.
بەبڕیاری فیدراسیۆنی تۆپی پێی ئەڵمانیا، یاریزانان بەشێوەی تاکە کەسی مەشقوڕاهێنانە ئامادەکارییەکانیان بۆ ڕووبەڕووبوونەوەی لیشتنشتاین ئەنجامداوە، ئەو ڕووبەڕووبوونەوەیەش بڕیارە سبەی شەو لە ئەڵمانیا ئەنجامبدرێت.
لەبەرامبەر ئەم ڕاستییەکە، دەسەڵاتی پزیشکی ڤۆلسفبۆرگ (ئەو شارەی یارییەکەی لێدەکرێت)، بڕیاریداوە بە دوورخستنەوەی نیکلاس سولی لە پێکهاتەی “دای مانشافت”، هەروەها کەرەنتینکردنی چوار یاریزانی دیکە بەوپێیەی بەرکەوتنی ڕاستەوخۆیان لەگەڵیدا هەبووە.
