دوای بڵاوبوونەوەی وێنەی چەند کچێکی دەرچووی زانکۆی تاران، کە وێنەی یادگاری دەرچونەکەیان چرکاندووە، بەڵام جیاوازتر لە خوێندکارانی دیکە لەچکەکانیان لاداوە، ئەوە شەڕی لایەنگرانی سەرپۆش و دژە سەرپۆشی بردە بەردەم دەرگای زانکۆی تاران.
بڵاوبوونەوەی وێنەی ئەو چەند کچە بەبێ سەرپۆش لەبەردەم زانکۆی تاراندا، ناڕەزایەتییەکانی بردە ناو سۆشیاڵمیدیا و دواتریش گروپێک لە لایەنگرانی سەرپۆش و حیجاب، لەهەمان شوێنی وێنەی کچە بێ سەرپۆشەکان، ڤیدیۆ کلیپێکیان دروستکرد.
لابردنی سەرپۆشەکان، لەلایەن ئەو چەند کچەوە چەندین خوێندنەوەی جیاجیای بۆکراوە، بەتایبەت بەستنەوەی وێنەکە بە ناڕەزایەتی سیاسییەوە.
پێشتریش لەچەند حاڵەتێکی هاوشێوەدا کە کچان بە ئاشکرا سەرپۆشەکانیان لاداوە، گروپێک بە پشتگیری حکومەت، لەهەمان شوێن بە سەرپۆش و حیجابەوە چالاکیان ئەنجامداوە.
بەپێی مادەی 638ی کۆماری ئیسلامیی ئێران، “هەرکەسێک بە ئاشکرا سەرپۆش یان جلەداپۆشراوەکانی لە شوێنە گشتییەکاندا لاببات، ئەوا بەپێی حاڵەتەکە لە 10 ڕۆژ زیندانی تا دوو مانگ سزا دەدرێت، یان 74 قامچی لێدەدرێت.
واقعا سازندگان این ویدئو چه تصوری از جامعه امروز ایران دارند؟
کاش حداقل واکنش ها را در همان مترویی که سوار شدید، می دیدید!
اگر گوشه چشمی به الزامات همبستگی ملی داشتید، دست از این رفتارها بر می داشتید. pic.twitter.com/D4z24ssMSc— Azar Mansoori (@MansooriAzar) November 7, 2021
