كازمی: ئەوانەی لەپشت هەوڵی تیرۆركردنمەوە بوون دەیانناسین

سەرۆک وەزیرانی عێراق ڕایگەیاند، بەباشی دەزانێت کێ لەپشت هەوڵی تیرۆرکردنیەوە بووە و ئاشکرایان دەکات.

مستەفا کازمی، سەرۆک وەزیرانی عێراق لە کۆبونەوەی ئەنجومەنی وەزیراندا ڕایگەیاند، شەوی ڕابردوو بە درۆن هێرش کراوەتە سەرماڵەكەی و بەباشی دەزانێت کێ لەپشت هەوڵی تیرۆرکردنیەوە بووە و ئاشکرایان دەکات، بەكارێكی “ترسنۆكانە”ش ناویبرد.

كازمی لەوتارەكەیدا باسی لەوەشكرد، عێراق بە ئاڵنگاریی زۆردا تێدەپەڕێت کە هی ئەمڕۆ نین و بەرهەمی ئەم حکومەتەش نین، دەشڵێت، “توانیمان قەیرانی ئابووریی و تەندروستی چارەسەربکەین، قەیرانی دابەزینی نرخی نەوت و سیاسەتە هەڵەکانی حکومەتەکانی پێشووشمان تێپەڕاند”.

ڕاشیگەیاند، سەرکەوتووبوون لە بەدیهێنانی داواکارییەکانی گەل و مەرجەعیەت و خۆپیشاندەران بە ئەنجامدانی هەڵبژاردنی پێشوەخت و جێبەجێكردنی داواکارییەکانی کومسیۆن.

لەبارەی ئەنجامەكانی هەڵبژاردنەوە سەرۆك وەزیرانی عێراق جەختی لەوەشكردەوە، ئەنجامەكانی هەڵبژاردن و تانەكان تایبەتمەندیی حكومەت نیە و حكومەت تەنها دارایی و ئەمنیەتی هەڵبژاردنی لەسەر بووە.

مستەفا كازمی پێشیوایە، هەوڵ بۆ تێكدانی ئەمنییەتی عێراق دەدرێت تا بەرەو جەنگی ببەن، بەڵام ئەوان بنیاتنانەوەی وڵاتیان دەوێت نەك جەنگ.

بابەتی پێشتر

هێزێكی زۆری ئه‌منی به‌ چه‌كی قورسه‌وه‌ له‌ به‌غداد بڵاوه‌یان پێكرا

بابەتی دواتر

(ڤیدیۆ) دێربی توڕه‌یی میلان به‌ یه‌کسانبوون کۆتاییهات

بابەتی پەیوەندیدار
Total
1
Share