شارەزایەكی بواری كەشوهەوا پێشبینی دەكات، لە ناوەڕاستی ئەم مانگەدا یەکەم شەپۆلی بەفربارین ڕوو لە ناوچە شاخاوییەکانی ھەرێمی کوردستان بکات و بۆماوەی چەند ڕۆژێک بەردەوام بێت.
ئاراس جەبار، شارەزای بواری کەشوهەوا لە ڕاگەیەندراوێكدا ئاماژەی بەوەكردووە، “لە ڕۆژانی 17 بۆ 24ی ئەم مانگە ئەگەرێکی سەرەتایی هەیە کە یەکەم شەپۆلی بەفر بارین ناوچە شاخاوییەکانی ھەرێمی کوردستان بگرێتەوە و کەشی زستانە و سەرما پێشبکەوێت”.
ڕوونیشیكردووەتەوە، شەپۆلەکە بەگشتی جێگیر نیە لە ڕووی کاتی ھاتن یان نەمان و مانەوەی، تەنھا ئەوە دەرکەوتووە لە نێوان 17 و 24 مانگ ئەم ئەگەرە ھەیە کە یەکەم شەپۆلی بەفر بارین ناوچە شاخاوییەکان بگرێتەوە.
هەر بەپێی پێشبینییەكانی ئەو شارەزایەی بواری كەشوهەوا، پێشبینی دەكرێت پێش ئەو وادەیە شەپۆلێکی بارانبارین ڕوو لە ھەرێمی کوردستان بکات.
