هەڵوێستی بەڕێوەبەرانی یونایتد لەبارەی سۆڵشایەرەوە ئاشکرابوو

پێگەی ڕاهێنەری یانەی مانچستەر یونایتد، ئولی گۆنار سۆڵشایەر هیچ مەترسییەکی لەسەرنییە و بەڕێوەبەرانی یانە بڕیاریانداوە دوورینەخەنەوە.

ڕۆژنامەی “گاردیان”ی بەریتانی بڵاویکردووەتەوە، تەنانەت دوای شکستی شەیتانە سوورەکان بەرامبەر لیڤەرپوڵ (5-0)، پاشان مانچستەر سیتی (2-0)، هێشتا بەڕێوەبەرانی یانە بیریان لە دوورخستنەوەی سۆڵشایەر نەکردووەتەوە.

خاوەنداریەتی و بەڕێوەبەرانی یانە مێژووییەکە پێیانوایە، سۆڵشایەر شایستەی دەرفەتی زیاترە، لە داهاتووشدا داتا و ژمارەی وەرزشیی دیکەیان پێدەبەخشێت، کە دەکرێت بەهۆیەوە خوێندنەوەیەکی دیکەی نوێ بۆ پێگەکەی بکرێت.

گاردیان نووسیویەتی، سەرەڕای ئەوەی ئید ودواردی بەڕێوەبەری جێبەجێکاری یونایتد لە کۆتایی وەرزدا ماڵئاوایی لە یانەکە دەکات و بڕیاردان لەئێستادا بۆ ئەو ئاسانە، بەڵام بەهیچ شێوەیەک بیری لە دوورخستنەوەی ڕاهێنەرە نەرویجییەکە نەکردووەتەوە، هیواداریشە بەزووترین کات ئەو فشارە دەروونی وەرزشییە لەسەر یانەکە و ڕاهێنەرەکە دووربکەوێتەوە، کە ماوەی چەند مانگێکە لەسەریان دروستکراوە.

بابەتی پێشتر

یوڤانتۆس خواستی لەسەر چاوکاڵەکەی بەلجیکایە

بابەتی دواتر

ستیفان کوری: سەرسامنیم بەو ئاستەی لەم وەرزە پێشکەشمانکردووە

بابەتی پەیوەندیدار
Total
0
Share