یانه‌ی لایپزیک ڕووبه‌ڕووبوونه‌وه‌ی هه‌فته‌ی 11ی خولی ئه‌ڵمانیای به‌رامبه‌ر بوروسیا دۆرتمۆند ئه‌نجامدا، یارییه‌که‌ش به بردنه‌وه‌ی لایپزیک کۆتاییهات.
ئه‌مشه‌و شه‌ممه، له چێوه‌ی یارییه‌کانی هه‌فته‌ی 11ی خولی پله یه‌کی ئه‌ڵمانیا، یانه‌ی لایپزیک له ڕێدبوڵ ئارینا میوانداریی یانه‌ی بوروسیا دۆرتمۆندی کرد، یارییه‌که به ئه‌نجامی دوو گۆڵ به‌رامبه‌ر به گۆڵێک له به‌رژه‌وه‌ندیی یانه‌ی خانه‌خوێ کۆتاییهات.
گۆڵه‌کانی لایپزیک له خوله‌که‌کانی 29، 68 له‌لایه‌ن کریستۆفه‌ر نکونکو و یوسف پوڵسنه‌وه تۆمارکران، تاکه گۆڵه‌که‌ی ڤێستیڤالینیش له خوله‌کی 52 له‌لایه‌ن مارکۆ ڕۆیسه‌وه تۆمارکرا.
به‌پێی ئه‌نجامه‌که، لایپزیک به کۆکردنه‌وه‌ی 18 خاڵ له هه‌شته‌می ڕیزبه‌ندیی یانه‌کانی ئه‌ڵمانیاوه به‌شێوه‌یه‌کی کاتی بۆ پله‌ی پێنجه‌م سه‌رکه‌وت، هه‌روه‌ها یانه‌ی دۆرتمۆند سه‌ره‌ڕای دۆڕاندن، به‌ڵام به 24 خاڵه‌وه له پله‌ی دووه‌مدا جێگیربوو.
