بەڕێوەبەرایەتیی نەوت کانزاکانی سلێمانی ڕایگەیاند، درێژە بە دابەشكردنی نەوت دەدەن و سبەینێ لە ناوەندی قەڵادزێ و ڕۆژی دووشەممەش لە مەڵبەندەکانی پێنج و شەشی شاری سلێمانی پرۆسەی دابەشکردنەكە بەردەوام دەبێت.
لە ڕاگەیەندراوێكدا بەڕێوەبەرایەتیی نەوت کانزاکانی سلێمانی ئاماژەی بەوەكردووە، سبەینێ یەکشەممە نەوت لە ناو سەنتەری قەڵادزێ دابەش دەکرێت.
باسی لەوەشكردووە، ڕۆژی دووشەممە، دابەشکردنی نەوت لە ناوشاری سلێمانی لە مەڵبەندەکانی پێنج و شەش بەردەوام دەبێت.
حکومەتی عێراق ڕۆژانە زیاتر لە 20 هەزار لیتر نەوت ڕەوانەی سلێمانی دەکات و بەپێی خشتەیەک کە بەڕێوەبەرایەتی نەوت و کانزاکانی سلێمانی دایناوە، نەوت بەسەر مەڵبەندەکاندا دابەشدەکرێت.
بەپێی ئەو ڕێکارەی ئەمساڵ حکومەتی هەرێم دایناوە، هەرخێزانێک بڕی 200 لیتر نەوتی سپی بەنرخی 55 دینار پێدەدرێت.
