كاردۆ ڕەزازی لە فیلمێكی نوێدا بەشداری دەكات و تیایدا ڕۆڵی كەسێك دەگێڕێت كە دەیەوێت بە پارە وەك سویدییەك سەیربكرێت.
فیلمی (Suedi) ئەمساڵ بڵاوکراوەتەوە و ئەکتەر و شانۆکاری کورد کاردۆ ڕەزازی ڕۆڵی سەرەکی تیادەگێڕێت.
فیلمەکە باس لە مەحمود دەکات کە پارەیەکی خەیاڵی دەستدەکەوێت و خەرجی دەکات بۆ ئەوەی وەک سویدیەک سەیربکرێت.
کاردۆ ڕەزازی سەبارەت بە کارەکتەری مەحمود دەڵێت کە بەزەیی پێدادێتەوە، چونکە هەموو هەوڵی بۆ ئەوەیە ببێت بە سویدییەک.
كاردۆ ڕەزازی، نووسەر، دەرهێنەر و ئەکتەرە و كوڕی هەردوو هونەرمەند ناسڕی ڕەزازی و كۆچكردوو مەرزییەی فەریقی-یە و لە وڵاتی سوید دەژی.
س: ڕادیۆی سوید
