تیمی پزیشكیی یانەی بەرشلۆنە ئاشكرایكرد، سێرجیۆ ئەگوێرۆ بەهۆی كێشەی لێدانی دڵەوە سێ مانگ لەژێر چاودێریدا دەبێت.
ئەگوێرۆ بەهۆی كێشە لە ترپەكانی دڵیدا، نەیتوانی یارییەكەی بەرشلۆنە و ئالاڤێس تەواوبكات و لە یاریگا برایە دەرەوە.
تیمی پزیشكیی یانەی بەرشلۆنە جەخت لەوە دەكەنەوە، ئەگوێرۆ ئازاری دڵی هەیە و پێویستە سێ مانگ لەژێر چاودێریدا بێت.
ئەگوێرۆ لەبارەی دۆخەكەوە پەیامێكی بڵاوكردەوە، ڕایگەیاند: من باشم و ڕۆحییەتێكی گەورەم هەیە بۆ ئەوەی زوو چاكببمەوە.
هەر دوای بڵاوبونەوەی كێشەكەی ئەگوێرۆ، زۆرێك لە هاوڕێكانی لە تۆڕە كۆمەڵایەتییەكان كەوتنە پشتگیریكردنی و هیوای زووگەڕانەوەیان بۆ خواست.
