بەڕێوەبەرایەتیی گشتیی کارەبای سلێمانی، چەند ڕێنماییەكی سەبارەت بە چۆنێتی بەکارهێنانی کارەبا لە بازاڕ و شوێنه بازرگانییه‌كان بۆ هاوڵاتییان بڵاوكردەوە.
لە ڕاگەیەندراوێكدا بەڕێوەبەرایەتیی گشتیی كارەبای سلێمانی دەڵێت،” بۆ ئەوەی کارەبا بەفیڕۆ نەدەیت و پارەی کارەبات کەم بۆبێتەوە، ڕەچاوی ڕێنماییەكان بكە”.
لە ڕێنماییەكاندا هاتووە، “پێویستە هاوڵاتییان، ئامێره كاره‌باییه‌كانی وه‌ك سپلیت له‌كاتی بارزۆریی كاره‌بادا بكوژرێننەوە و دڵنیاببنەوە له كاركردنی كۆنترۆڵی ساردكه‌ره‌وه‌كان و دانانی ئامێری ئۆتۆماتیك بۆ كوژاندنه‌وه‌ی سپلیت و ساردكه‌ره‌وه‌كان.”
دەشڵێت، “پێویسته گلۆپ و ئامێره ساردكه‌ره‌وه‌كان به‌جیا كۆنترۆڵبكرێن و بكوژێندرێنه‌وه”.
دەقی ڕێنماییەكان:
أ- دیاریكردنی كه‌سێكی به‌رپرس له جێبه‌جێبه‌كردنی ڕێنماییه‌كانی كاره‌با و له به‌فیرۆنه‌دانی كاره‌با.
ب- كوژاندنه‌وه‌ی ئامێره كاره‌باییه‌كانی وه‌ك سپلیت له‌كاتی بارزۆریی كاره‌بادا و دڵنیابوون له كاركردنی كۆنترۆڵی ساردكه‌ره‌وه‌كان و دانانی ئامێری ئۆتۆماتیك بۆ كوژاندنه‌وه‌ی سپلیت و ساردكه‌ره‌وه‌كان.
ت- پێویسته گلۆپ و ئامێره ساردكه‌ره‌وه‌كان به‌جیا كۆنترۆڵبكرێن و بكوژێندرێنه‌وه.
پ- سیانه‌ی سه‌رجه‌م ئامێره كاره‌باییه‌كان بكرێت .
ج- هه‌وڵدان بۆ به‌كارهێنانی دیواری عازل.
ح- به‌كارهێنانی ئه‌و جۆره گڵۆپانه‌ی كه كاره‌با كه‌م سه‌رفده‌كه‌ن بۆ ده‌ره‌وه و ناوه‌وه‌ی بیناكان.
خ- لە ته‌لاره به‌رزه‌كاندا پێویسته پلیكانه كاره‌باییه‌كان ئامێرێكی تایبه‌تیان هه‌بێت بۆئه‌وه‌ی له‌كاتی پێویستدا كاربكات.
د- هه‌ڵواسینی پۆسته‌ری ڕێنمایی به‌فیرۆنه‌دانی كاره‌با له‌ناو بازاڕه‌كه‌دا.
ه- بۆ زانیاریی هەموو نرخی کارەبای بازرگانیی کیلۆواتی بە (157) دینارە.
