هەرێم کەمال ئاغا ڕایدەگەیەنێت، یەکێتی و نەوەی نوێ لە بەغداد هاوپەیمانێتیان هەیە و بەگوێرەی ئەو ڕێککەوتنە لە بەغداد پۆست دەدرێتە نەوەی نوێ.
هەرێم کەمال ئاغا، سەرۆکی فراکسیۆنی یەکێتی لە ئەنجومەنی نوێنەرانی عێراق ئاشکرایکرد، هەرچەندە تا ئێستا بە نووسراو ڕانەگەیەندراوە، بەڵام یەکێتیی نیشتمانیی کوردستان لە هەرێمی کوردستان و بەغدادیش هاوپەیمانێتی لەگەڵ نەوەی نوێدا هەیە.
وتیشی، لەسەر بنەمای ئەو ڕێککەوتنە، بەشەمافی یەکێتی لە بەغداد هەرچەندبێت، دەتوانن بە ڕێککەتن لەگەڵ نەوەی نوێ چەند پۆستێک بدەنە نەوەی نوێ، جا لە وەزارەتەکان بێت یان جێگری وەزارەت و بەڕێوەبەرایەتییەکان.
