پێنج ڕۆژە كارەكانی تیمی وەزارەتی کاروباری شەهیدان و ئەنفالکراوان بە هاوکاریی لایەنی پەیوەندیداری عێراقی بۆ هەڵدانەوەی گۆڕە بەکۆمەڵەکانی شەنگال بەردەوامە.
ئەو بەپرسەی وەزارەتی شەهیدان ئەوەشی خستەڕوو، “تا ئێستا هیچ تەرمێکیان دەرنەهێناوەتەوە و تەنها جلوبەرگەکان بە دیارکەوتن و لە چەند ڕۆژی داهاتوودا، دەگەن بە تەرمەکان و دەریاندەهێننەوە”.
تیمەکانی هەڵدانەوەی گۆڕە بەکۆمەڵەکان ڕۆژانە لە کاتژمێر هەشتی بەیانییەوە دەستبەکار دەبن و تا کاتژمێر یەکی نیوەڕۆ سەرقاڵی کارەکانیان دەبن.
ڕۆژی شەممە 24ی تشرینی یەکەم، پڕۆسەی ھەڵدانەوەی دوو گۆڕی بەکۆمەڵی ژنانی ئێزدی لە شەنگال دەستی پێکرد کە دەوترێت ماوەی 17 رۆژ دەخانەنێت و پێشبینی دەکرێت لە ھەردوو گۆڕە بەکۆمەڵەکەدا، ڕوفاتی 90 ژنی ئێزدی تیادابێت.
بەپێی ئەو زانیارییانەی دەست تۆڕی میدیایی ئێستا كەوتوون، پێشبینی دەكرێت لە گۆڕە بە کۆمەڵەکەی گوندی سۆراخ ڕوفاتی 75 ژنی ئێزدی تیایدا بێت و گۆڕە بە کۆمەڵەکەی گوندی کۆجۆ-ش ڕوفاتی 15 ژنی کوردی ئێزدی تێدابێت.
ئەمەش چوارەم قۆناغە کە بۆ ھەڵدانەوەی گۆڕە بەکۆمەڵەکان لە سنووری شەنگال ئەنجام بدرێت.
