دوای ئەوەی دوو ڕۆژ پێش ئێستا “هەڵکەوت ئەنوەر خەلیفە” پەرلەمانتاری پارتی دیموکراتی کوردستان لە دانیشتنی پەرلەمانی کوردستاندا، گلەيی کرد کە غازی پێنادرێت، ئەمڕۆ بەڕێوەبەرایەتيی نەوت و کانزاکانی سلێمانی بەهۆی دیارنەمانی بڕێک غازی “فەلە”ەوە كارگەكەی سزادا.
بەڕێوەبەرایەتيی نەوت و کانزاکانی سلێمانی ڕایگەیاند، “کارگەی غازی شارەزوور بڕی 20 هەزار و 80 کیلۆگرام غازی حكومی وەرگرتووە و دواتر دابەشینەکردووە بەسەر بریکارەکاندا، بۆیە کارگەکە سزادەدرێت”.
بەڕێوەبەرایەتیی نەوت و کانزاکانی سلێمانی، سزای کارگەی “غازی شارەزوور”ی ڕاگەیاندووە، کە بریتییە لە “گەڕاندنەوەی بڕی غازی ونبوو لەگەڵ پێبژاردنی بە یەک ملیۆن دینار”.
دوو ڕۆژ پێش ئێستا “هەڵکەوت ئەنوەر خەلیفە” لە دانیشتنی پەرلەماندا، بەدەر لە پەیڕەوی ناوخۆی پەرلەمان گلەیی ئەوەی دەکرد، “بۆچی غازی شل بە کارگەکەی ئەو نادەن؟”.
