وەزیری ناوخۆی توركیا دەستبەسەركردنی پەرلەمانتارێكی هەدەپەی لە ویلایەتی دیاربەكر ڕاگەیاند، دوای ئەوەی پارێزبەندی لەسەر هەڵگیرا.
سلێمان سۆیلۆ، وەزیری ناوخۆی توركیا لە تویتێكدا ڕایگەیاند، هەواڵگری و هێزە ئەمنییەكان سەمرا كۆزاڵ-ی پەرلەمانتاریان دەستگیركردووە.
بە وتەی سۆیلۆ پەرلەمانتارەكە لەكاتی بەڕێكەوتنی بۆ ویلایەتی ئەدرنەی سەر سنووری یۆنان و بولگاریا دەستگیركراوە و پاسپۆرتێكی ساختەی پێبووە.
لە ئازاری ڕابردوودا پارێزبەندی لەسەر پەرلەمانتارەكە بە دەنگدانێكی پەرلەمان هەڵگیرا، دوای ئەوەی وێنەیەكی لە ڕۆژنامەكاندا لەگەڵ گەریلایەكی پارتی كرێكارانی كوردستاندا بڵاوبووەوە.
