ڕووداوێكی تەقەكردن لە قەزای سۆران ڕوویدا، پۆلیسی ناوچەكە دەڵێت، دوو كەس بریندارن و پێدەچێت بەهۆی كێشەی كۆمەڵایەتییەوە بێت.
پێش نیوەڕۆی ئەمڕۆ پێنجشەممە ڕووداوێكی تەقەكردن لە زانكۆی سۆران ڕوویدا، لەنێو ئۆتۆمبێلێكەوە تەقە بە ئاراستەی ناو ئۆتۆمبێلێكی دیكە كرا.
شەماڵ دێواری، وتەبێژی پۆلیسی سۆران بە تۆڕی میدیایی ئێستای ڕاگەیاند، بەهۆی ڕووداوەكەوە دوو كەس برینداربوون.
وتیشی، “ڕووداوەكە پەیوەندی بە زانكۆكە و خوێندكارانییەوە نییە، بەڵكو تەنها لەبەردەم ئەوێ ڕوویداوە و پێدەچێت بەهۆی كێشەیەكی كۆمەڵایەتییەوە بێت”.
وتەبێژی پۆلیس وردەكاریی زیاتری لەبەردەستدا نەبوو، ئاماژەی بەوەكرد، چاوەڕوانی لێكۆڵینەوەكان و گەیشتنی وردەكارییەكەیەتی و دواتر ئاشكرایان دەكەن.
