لە سەڵاحەدین داعش هێرشیكردە سەر پۆلیسی فیدراڵی

شەوی ڕابردوو چەكدارانی داعش لە پارێزگای سەڵاحەدین هێرشیانكردە سەر پۆلیسی فیدراڵی، دوو ئەندامی پۆلیس كوژران.

بەپێی هەواڵی میدیا عێراقییەكان، شەوی ڕابردوو چەكدارانی داعش لەسەر ڕێگای دەرەكیی سەڵاحەدین هێرشیانكردووەتە سەر پۆلیسی فیدراڵی، بەهۆیەوە دوو پۆلیس كوژراون و پۆلیسیێكی دیكەش برینداربوو.

ئاماژەیان بەوەشكردووە، ماوەی نزیكەی كاتژمێرێك ڕووبەڕووبوونەوە لە نێوان پۆلیسی فیدراڵی و چەكدارەكانی داعش ڕوویداوە و دوای هاتنی هێزێكی پشتیوانی، چەكدارانی داعش هەڵاتوون.

ئەوەش دوای ئەوەدێت، شەوی سێشەممە چەكدارانی داعش هێرشیان كردبووە سەر گوندی ڕەشاد-ی سەر بە قەزای شارەبان، 12 كەس كوژران و ژمارەیەكی دیكەش بریندار بوون.

هێرشەكەی سەر گوندی ڕەشاد پەرچەكرداری بەدوادا هات و دانیشتووانی گوندەكە هێرشیان كردە سەر گوندێكی دیكەی ناوچەكە، چەند كەسێكیان كوشت و ژمارەیەك خانووشیان سووتاند.

گوندی ڕەشاد شیعەنشینە و گوندەكەی دیكە كە هێرشی پەرچەكرداری كرابووەسەر، سوننەنشینە.

بابەتی پێشتر

(ڤیدیۆ) ڕیاڵ مه‌درید یه‌کسانبوو، به‌ڵام لوتکه‌ی به‌رنه‌دا

بابەتی دواتر

نەتەوە یەكگرتووەكان: 48 ملیۆن كەس لە جیهاندا بەهۆی ململانێكانەوە ئاوارەن

بابەتی پەیوەندیدار
زیاتر ببینە

لیژنەكەی نوێنەران توركیای بە داگیركاری تۆمەتباركردووە، داوا دەكات لە ئەنجومەنی ئاسایش سكاڵا تۆماربكرێت

ئەو لیژنەیەی پەرلەمانی عێراق سەردانی ناوچە سنورییەكانی كرد، لە ڕاپۆرتەكەیدا هێرشەكانی توركیای بە داگیركارانە ناوبردووە، داوای كردووە حكومەت…