بەرهەمهێنانی كارەبا لە وێستگەی گەرمیان لە حەسیرە گەیشتە 155 مێگاوات.
وێستگەكە لە مانگی ئایاری ئەمساڵ دەستی بە بەرهەمهێنان كرد و ئەوپەڕی توانای بەرهەمهێنانی 165 مێگاواتە.
بەڕێوەبەرایەتی گشتیی كارەبای گەرمیان بڵاویكردەوە، وێستگەكە یەكێكە لە پرۆژەكانی وەزارەتی كارەبای حكومەتی هەرێمی كوردستان كە لەلایەن كەرتی تایبەتەوە جێبەجێكراوە.
ئەم وێستگەیە كارەبا لەو غازە بەرهەم دەهێنێت كە پێشتر بەفیڕۆدەچوو و دەبووە هۆی پیسبوونی ژینگەی ناوچەكە.
