ئەستێرەی دێرینی ئیسپانیا و یانەی سەدی قەتەری، سانتی کازۆرلا شێوازی یاریکردنی چاڤی هێرناندێز و سوودەکانی بوونی ئەو کەسایەتییە بە ڕاهێنەری بەرشلۆنە ئاشکرادەکات.
کازۆرلا لە چاوپێکەوتنێکدا بە ڕۆژنامەی “مارکا”ی ڕاگەیاندووە، “وەک ڕاهێنەر، چاڤی دەیەوێت یاری بە تۆپەوە بکات و سەرجەم مەشقەکانی لەسەر ڕاهێنانی ڕۆندۆ بونیادنراوە، پۆزیشن، یاریکردن بۆ پۆزیشن، قوتابخانەی کۆن و خاوێنی بارسا، تەنانەت بەرگریکردنیش بە تۆپەوە”.
هەروەها دەڵێت، “پێموابێت ڕاهێنەرەکە بەو جۆرە لە تۆپی پێ دەڕوانێت و لێی تێدەگات، شێوازەکە ناوازە و نوێ نییە، بەڵام ڕەنگە لە کۆنتڕۆڵکردنی تۆپدا چاڤی باشترینی بواری تۆپی پێ بێت”.
کازۆرلا ڕوونکردنەوەی زیاتر دەدات و دەڵێت، “لە پێکهاتەی لارۆخا کاتێک هاوڕێ بووین، هەمیشە فەلسەفەی تایبەت بە خۆی هەبوو، فەلسەفەکەی ڕوون و ئاشکرابوو”.
چاڤی تەمەن 36 ساڵ، لەماوەی کارکردنی وەک ڕاهێنەری یانەی سەدی قەتەری پێنج ناسناوی گەورەی بەدەستهێناوە، دواترینیان ناسناوی جامی ئەمیری قەتەری چنییەوە.
