وتەبێژی بەنزینخانەكانی سلێمانی ڕایگەیاند، بەنزینە 690 دینارییەكەی بەغداد ئەمڕۆ جارێكی دیكە گەیشتەوە سلێمانی.
بەهمەن شێخ قادر، وتەبێژی بەنزینخانەكانی سلێمانی بە تۆڕی میدیایی ئێستای ڕاگەیاند، “ماوەی زیاتر لە دوو هەفتەیە بەنزینەكەی بەغداد بۆ هەرێم ڕاگیراوە، بەڵام ئەمڕۆ جارێكی دیكە لەسەر داوای وەزارەتی سامانە سروشتییەكان بەنزینەكە ڕەوانەی سلێمانی كراوەتەوە”.
وتیشی، بەنزینەكەی بەغداد بەهەمانشێوەی پێشوو بە نرخی 690 دینار بەسەر شۆفێراندا دابەشدەكرێت و لە 10 بەنزینخانەی شارەكە دەستدەكەون.
ماوەیەكە نرخی بەنزین لە شارەكانی هەرێمی كوردستان بەردەوام لە بەرزبوونەوەدایە و لە چەند ڕۆژی ڕابردووشدا نرخی یەك لیتر بەنزینی نۆرماڵ بۆ 900 دینار و موحەسەن بۆ هەزار دینار هەروەها سوپەر بۆ هەزار و 50 تا هەزار و 100 دینار بەرزبووەوە، ئەوەش نیگەرانیی شۆفێرانی لێكەوتەوە و چەند جارێك خۆپیشاندانیان ئەنجامدا.
