بڕیارە وەزارەتی خوێندنی باڵا و توێژینەوەی زانستی ئەمڕۆ ئەنجامی زانکۆلاین ڕابگەیەنێت.
عەباس ئەكرەم، وتەبێژی وەزارەتی خوێندنی باڵای هەرێم لە ڕاگەیەندراوێكدا ڕایگەیاند، ئەمڕۆ دووشەمە وردەکاری و داتای وەرگیراوان لە زانکۆ و پەیمانگە حکومییەکان لەهەرێمی کوردستان بۆ ساڵی نوێی خوێندنی (2021-2022) ڕادەگەیەنرێت.
ئاماژەی بەوەشكرد، وەزارەتی خوێندنی باڵا لە كۆنگرەیەكی ڕۆژنامەوانیدا وردەكارییەكەی ئاشكرادەكات.
لە 30 ئەیلولەوە وەزارەتی خوێندنی باڵا سیستمی زانكۆ لاینی كاراكردووە و چەند جارێكیش ماوەی كاراكردنی لەپێناو پێدانی دەرفەتی زیاتر بە دەرچووانی دوانزەی ئامادەیی بۆ ئەوەی فۆڕمی (زانکۆلاین) پڕبکەنەوە درێژكردەوە.
