پەرلەمانی کەتەلۆنیا بە زۆرینەی دەنگ خۆبەڕێوەبەریی باکوور و ڕۆژهەڵاتی سوریای بە فەرمی ناساند.
لە دانیشتنی ئەمڕۆی پەرلەمانی هەرێمی کەتەلۆنیای سەر بە ئیسپانیا لەکۆی 129 ئەندامی پەرلەمان، 111 پەرلەمانتار دەنگیاندا بە بەفەرمیی ناساندنی ئیدارەی خۆبەڕێوەبەریی باکوور و ڕۆژهەڵاتی سوریا.
حکومەتی کەتەلۆنیا پێکدێت لە حزبەکانی چەپی کۆماریی و یەکێتیی بۆ کەتەلۆنیا، CUPیش کە لە دەرەوەی حکومەتە، هەروەها، ئەن کۆمو پۆدێم و پۆدەمۆس، وەکو هاوپەیمانییەکی چەپی ئۆپۆزسیۆن، كە پێشتر پشتگیریی خۆیان بۆ ئەو هەنگاوە نیشاندا.
ناساندنی خۆبەڕێوەبەریی باکوور و ڕۆژهەڵاتی سوریا لە کاتێکدایە، پێشتریش ئیمانیۆل ماکرۆن، سەرۆکی فەرەنسا پێشوازی لە شاندێکی ڕۆژئاوا کرد و ئەوەش تورکیای توڕەکرد.
