‏فڕۆكەخانەی سلێمانی مەرجەكانی سەفەركردن ئاشكرادەكات

وەرگرتنی ڤاكسین كراوەتە مەرج

فڕۆكەخانەی نێودەوڵەتیی سلێمانی ڕایدەگەیەنێت، هەر هاوڵاتییەك كە سەفەر بۆ وڵاتانی دەرەوە دەكات پێویستە بەڵگەی وەرگرتنی ڤاكسین و بەڵگەی پشكنینی پێبێت.

فڕۆكەخانەكە لە ئاگادارییەكدا دەڵێت، بەپێی فەرمانی سەرۆكایەتیی ئەنجومەنى وەزیرانى عێراق و ئاگادارىنامەى دەسەڵاتى فڕۆکەوانیى شارستانى ‏هەر هاوڵاتییەکى عێراقى کە سەفەر دەکات بۆ وڵاتانى دەرەوە پێویستە بەڵگەى وەرگرتنى ڤاکسینى ‏کۆڤید-19ى هەڵگرتبێت لەگەڵ بەڵگەى پشکنینی (‏PCR-Ve‏) کە لەلایەن مەڵبەندە حکومییەکانە دەرچووبێت و دڵنیایی ‏بدات کە هەڵگرى ڤایرۆسەکە نییە، کەمتر لە (72) کاتژمێر لە سەفەرکردنەکەی.‏

ڕوونیشیدەكاتەوە، ئەو هاوڵاتییەی ناتوانێت ڤاکسینى کۆڤید وەرگرێت یان نەخۆشییەکى هەیە ڕێگرە لە وەرگرتنى، پێویستە ڕاپۆرتێکى پزیشکى باوەڕپێکراوى پێبێت بیسەلمێنێت کە ناتوانێت وەریبگرێت.

بابەتی پێشتر

بەهۆی وشكبوونەوە عێراق چاندن بۆ نیوە كەمدەكاتەوە

بابەتی دواتر

یاریزانێکی ڕیاڵ مەدرید بە بەرشلۆنە هەڕەشەدەکات

بابەتی پەیوەندیدار
Total
0
Share