وەزارەتی دارایی و ئابوریی هەرێم ڕایدەگەیەنێت، لە چێوەی جێبەجێکردنی یاسای چاکسازی، دۆسیەی دوو هەزار و 424 خانەنشینی پێشمەرگە گواستراوەتەوە سەر میلاکی وەزارەتەكەی.
وەزارەتەكە لە ڕاگەیەندراوێکدا ئاماژەی بەوەكردووە، “بە مەبەستی جێبەجێکردنی یاسای چاکسازی ژمارە (2) ساڵی 2020، بە فەرمانی وەزارەتی پێشمەرگە، دۆسیەی دوو هەزار و 424 خانەنشینی پێشمەرگە گواستراوەتەوە بۆسەر میلاکی وەزارەتی دارایی و ئابوری- بەڕێوەبەرایەتیی گشتیی خانەنشین”.
هەر بەپێی ڕاگەیەندراوەكە، ئەو خانەنشینانە پێشتر لە وەزارەتی پێشمەرگە مووچەیان وەرگرتووە و مووچەكەیان لە خانەنشینییەكانی پێشمەرگەی سلێمانی و هەولێر خەرجکراوە.
