گرتەیەكی ڤیدیۆی ساتی هەرەسهێنانی تەواوەتی خانوویەك لە ویلایەتی كیرلا-ی هندی و ونبوونی نیشاندەدات، پاش ئەو بارانبارینە بەهێزەی بووەتە هۆی هەرەسهێنانی زەوی لە چەند ناوچەیەكدا.
ڤیدیۆكە بەشێوەیەكی بەربڵاو بە سایت و تۆڕە كۆمەڵایەتییەكاندا بڵاوبووەتەوە، تیایدا ساتی هەرەسهێنانی خانووە دوو نهۆمییەكە و سەرسوڕمانی دانیشتووانی ناوچەكە دەردەكەوێت.
بەپێی ڕۆژنامەی (دەیلی مەیل)ی بەریتانی ڕووداوەكە لە مونداكایام لە شاری كوتایام-ی ویلایەتی كیرلا بووە.
Unbelievable!!!
The house 🏠 got washed away … pic.twitter.com/CLvwRsn3Jt— Info Warrior – 1821 (@InfoWarriorNews) October 17, 2021
نەزانراوە ئایا ڕووداوەكە قوربانی لێكەوتووەتەوە یان نا، بەڵام بەرپرسان وتیان ویلایەتەكە كە دەكەوێتە باشووری هندستان لانیكەم 25 حاڵەتی گیانلەدەستدانی بەهۆی بارانە بەهێزەكە لێكەوتووەتەوە.
13 لەو كەسانە بەهۆی داڕمانی زەوی لە گوندێكدا بووە. بەهۆیەوە دەسەڵاتداران ناچاربوون بانگێشتی سوپا و هێزەكانی دەریاوانی بكەن بۆ ڕزگاركردنی دانیشتووان.
ویلایەتەكە لە ساڵی 2018 ڕووبەڕووی خراپترین لافاوی سەدە بووەوە و بەهۆیەوە لانیكەم 400 كەس گیانیان لەدەستدا و نزیكەی 200 هەزاریش ئاوارەبوون.
