ڕوانگەی سوری بۆ مافەكانی مرۆڤ ڕایگەیاند، فڕۆكەكانی ئیسرائیل پێگەیەكی چەكدارانی نزیك لە ئێرانیان لە سوریا كردووەتە ئامانج، كوژراو و بریندار هەن.
لە ڕاگەیەندراوێكدا ڕوانگەی سوری بۆ مافەكانی مرۆڤ ئاشكرایكردووە، شەوی ڕابردوو فڕۆكەكانی ئیسرائیل بۆردومانی پێگەیەكی ئێرانی لە ناوچەی تەدمور كردووە، كە دەكەوێتە سنووری نێوان سوریا و عێراقەوە، بەوهۆیەوە سێ چەكداری سەر بە گروپە ئێرانییەكان و سەربازێكی سوری كوژراون و حەوتی دیكەش برینداربوون.
باسی لەوەشكردووە، بۆردومانەكە بۆ بەئامانجگرتنی پێگەیەكی چەكدارەكانی سەر بە ئێران و تاوەرێكی پەیوەندی بووە لە نزیك فڕۆكەخانەی “تی 4″ی سەربازی لە باشووری تەدمور.
