لە هێرشێكدا بۆسەر هاوڵاتییان پیاوێك لە شارێكی نەرویج، پێنج هاوڵاتیی بە تیروكەوان كوشت و چەند كەسێكی دیكەشی برینداركرد.
بەپێی هەواڵێكی ئاژانسی ڕۆیتەرز، لە شارۆچکەی کۆنگسبێرگ-ی نەرویج، پیاوێک بە تیروکەوان پێنج کەسی کوشتووە و دوو کەسی دیکەشی بریندارکردووە، یەکێک لە بریندارەکان ئەفسەرێکی پۆلیس بووە و لەو کاتەدا لەسەرکار نەبوو.
ئەوەی ئەم هێرشە دەكاتە جێی سەرنج، بەكارهێنانی تیروكەوانە بۆ ئەنجامدانی هێرشەكە.
بەڕێوەبەری پۆلیسی شارۆچکەکە ئاشكرایكردووە، تاوانبارەكە بەتەنها هێرشەكەی ئەنجامداوە و دەستبەسەر کراوە.
